SANTO TOMASEKO FERIA

Donostiar bati San Tomas jaiaren (abenduak 21) inguruan galdetzen diozunean, seguru asko, burura etorriko zaizkion lehen gauzak taloa eta txistorra izango dira. Baliteke norbaitek berrikuntzak sartu nahi izatea eta txokolatedun taloa aipatzea edo txistorra, hirugiharra eta gazta dituen taloa. Tira… eta ez dezagun sagardoa ahaztu! Baserritarren arropak ere ezinbestekoak izaten dira. Baina jai eta gastronomia kutsu horiez gain, San Tomas egunak kontatu beharreko oso istorio interesgarria ere badu atzean.

Guztia XIX. mendean hasi zen, baserrietako jendea San Tomas egunean lantzen zituzten lursailetako errentak maizterrei ordaintzeko asmoz Donostiara joaten zenean. Errentarako diruaz gain, hirian topa ezin zitezkeen baserriko produktuak ere eramaten zituzten. Aldi berean, landa eremuan ez zituzten produktuak eskuratzen zituzten. Truke horien ondorioz, jaia ospatzen hasteko beharra sortu zen eta horren ondorioz sortu zen San Tomas azoka. Hasiera batean, Konstituzio plazan egiten zuten azoka.

Iturria: Donostia Turismoa