DONOSTIAKO ZINEMALDIA

Iraila, beti bezala, albiste zoragarriekin dator… Donostia zineman murgildu da! Donostiako Zinemaldiaren 74. edizioa duela hiru egun hasi zen, eta, irailaren 26ra arte, hiriko kaleak estreinaldien, kameren, alfonbra gorrien eta aurpegi ezagunen lekuko izango dira. Zazpigarren arteak kulturaz beteko ditu Kursaala, Victoria Eugenia Antzokia eta hiriko beste gune batzuk. Horietatik oso gertu dago Hotel Parma.

Edizio honetan 47 herrialdetako 263 lan aurkeztuko dira, genero eta jatorri desberdinetako proposamenak dira, eta Donostia zinemazaleentzako eta profesionalentzako topagune bihurtuko dute. Esaterako, Tender Loving Care, Mike Leigh zuzendari ezagunaren lan berria izango dugu gure artean, eta Jesse Eisenbergen The Debut filmak Julianne Moore, Paul Giamatti eta Eisenberg bera izango ditu pantailan. Sail Ofizialean jarriko dituzte biak.

Edizio honetako protagonisten artean, Naomi Watts eta Werner Herzog daude, Donostia Sariaren irabazleak. Bai eta Penelope Cruz, Brad Pitt, Marion Cotillard, Orlando Bloom, Jeremy Irons edo Rami Malek ere; nazioarteko erakusleiho bihurtuko dute hiria.

Distiratsu egoten da Donostia urte sasoi hauetan, eta Zinemaldian bakarrik ikusten da horrela; horregatik, aste honetan Donostia bisitatzea esperientzia ahaztezina izango da. Bertako txokoak ezagutu, alfonbra gorriko girora hurbildu eta, zorte pixka batekin, gonbidatutako izarretako batekin aurrez aurre topo egin. Gutxitan izaten dira halako aukerak eta gustatuko litzaiguke gurekin etortzea. Zatoz Hotel Parmara, jantzi zure arropa politena, hartu kultura ezagutzeko gogoa eta… Gozatu!