ASTE SANTUA DONOSTIAN
Azkenean! Bi egun besterik ez dira falta dira Aste Santurako, Hotel Parman pasako dituzun oporrak badatoz, Donostia miresgarrian. Aurten, gainera, bertakoak ere ezustean harrapatu dituen ekitaldi baten lekuko izango zara.
Donostian Aste Santuko prozesioak ospatzeari utzi zioten 1966an, eta 2026an itzuliko dira lehen aldiz. 1927an sortutako Cofradía Jesús Nazareno izan da tradizioaren berreskuratzea bultzatu duena. Horrela, ekitaldi nagusia Ostiral Santuan, apirilaren 3an, abiatuko da 20:30ean Artzain Ona katedraletik (Hotel Parmatik 15 minutura oinez). Egia da antzinako prozesioaren ondarearen zati handi bat galdu egin dela, baina ekitaldian irudi klasikoak izango dira ikusgai: Jesus Nazaretekoa, Kristo Yacente eta Bakardadearen Birjina.
Prozesioaz gainera, urte sasoi honetako beste ospakizun tradizional batzuk ere egingo dira. Alde Zaharrean bertan, gure auzoan, Urgull mendirako gurutzebidea Santa Maria elizatik abiatuko da Ostiral Santuko 7:30etan. Egun berean, 21:00ak aldera, Kristoren Pasioa antzeztuko dute Amara kalean.
Ikusteko moduko ekitaldiak izango dira, baita alderdi erlijiosoa alde batera utzita ere. Gainera, bestelako planak ere kontaezinak dira.
Donostia inguruan paseatzea eta sagardotegi baten bazkaltzera joatea aparteko plana da, sagardoaren garaia oraindik ez baita amaitu: esate baterako, Zubietan ibili zaitezke eta ondoren Iruinen bazkaldu. Erosotasunaren bila bazabiltza, hoteletik gertu ere gera zaitezke, eta Alde Zaharreko pintxo-ibilbideaz gozatu. Igeldo mendira funikularrean igotzea beti da zirraragarria, baina jardueraren aldeko apustua egin nahi baduzu, joan zaitez Urgull mendian edo Ulia inguruan buelta bat ematera. Gainera, hiriko elizak eta monumentuak zain dituzu; bereziki gomendatzen dugu Haizearen Orrazia bisitatzea, Kontxa zeharkatu eta gero. Baliteke eguraldia lagun izatea, eta hondartza-plana egiteko aukera izango zenuke! Gero izozki bat batekin amaitu dezakezu eguna.
Aukeratzen duzuna aukeratzen duzula, gauza bat argi dago: atsedena merezi duzu. Hotel Parman oso pozik gaude deskonektatzeko behar dituzun egunak gurekin pasa nahi izan dituzulako. Zure zain gaude!
